Plantun de Prouvènço

Pèr coumpara dos planto d'encò nostre

Brassica elongata subsp. integrifolia & Lilium martagon

Brassica elongata subsp. integrifolia

Brassicaceae Cruciferae

Noms en français : Chou à feuilles entières, Chou élancé.

Descripcioun :
Lou caulet-afiela que trachis au nostre es uno planto di proun raro, marcado sus listo roujo, CR (valènt-à-dire en dangié criti). Se pòu trouba sus marlo e gip dins lou relarg d'Ate. La subsp. presento, que la tassounoumìo es enca discutido, a li fueio entiero e uno longo cambo.

Usanço :
Couneissèn pas d'usanço particuliero, pamens estènt un caulet, dèu èstre manjadis. Coume es apara lou miés èi de lou regarda.

Port : Grando erbo
Taio : 0,5 à 1 m
Fueio : alterno
Tipe bioulougico : Emicriptoufite
Cicle bioulougico : Renadivo mounoucarpico

Gènre : Brassica
Famiho : Brassicaceae
Famiho classico : Cruciferae

Ordre : Brassicales

Coulour de la flour : Jauno
Petalo : 4
Ø (o loungour) flour : 0,8 à 1 cm
Flourido : Printems

Sòu : Ca
Autour basso e auto : 220 m
Aparado : Noun
Abriéu à Jun

Liò : Marlo - Gip
Estànci : Mesoumediterran
Couroulougi : Éurasiatico
Ref. sc. : Brassica elongata subsp. integrifolia (Boiss.) Breistr., 1942 (= Brassica elongata Ehrh., 1792 )

Martagoun

Lilium martagon

Liliaceae

Noms en français : Lis martagon, Racine d'Or.

Descripcioun :
Tras que poulido planto de nòsti mountagno que pòu flouri fin qu'à mai de 2500m d'auturo. Se recounèis evidentamen à si gròssi flour roujo picoutado e à si fueio verticilado pèr 5 e mai.

Usanço :
La cabosso èro manjado li tèms de carestié. A l'ouro d'aro soun li senglié que se n'en cargon alor que li cabróu esbrouton li fueio. Lou martagoun èi vertuous contro lou mau d'os, es un remoulissènt di car. Evidentamen lou fau pas acampa qu'es uno planto urousamen proutegido.